संतपीठ,टाऊन हॉल,रस्ते विकास,म्हणून आम्ही महेशदादांसोबत - चिखली, कुदळवाडीतील आपुलकीच्या गाठीभेटींना उत्स्फूर्त प्रतिसाद

streeshaktinews Nov 6, 2024 367 0

(स्त्रीशक्ती)

पिंपरी:चिखलीत संतपीठ, टाऊन हॉल विकसित केला. देहू-आळंदीला जोडणारा समांतर रस्ता, चिखली आकुर्डी 18 मीटरचा रस्ता विकसित होत आहे. यामुळे चिखली परिसराचा कायापालट होत असून, ही कामे भोसरीचे आमदार महेश लांडगे यांच्यामुळेच झाली आहेत. त्यामुळे आम्ही महेशदादांसोबत असल्याची ग्वाही चिखली, कुदळवाडीतील नागरिकांनी दिली.

भोसरी विधानसभा मतदारसंघातील भाजप-शिवसेना-राष्ट्रवादी- आरपीआय व मित्र पक्ष महायुतीचे अधिकृत उमेदवार आमदार महेश लांडगे यांच्या आपुलकीच्या गाठीभेटींना चिखली, कुदळवाडीत उत्स्फूर्त प्रतिसाद मिळाला. नागरिकांनी ठिकठिकाणी आमदार लांडगे यांचे मोठ्या उत्साहात स्वागत केले.

यावेळी माजी महापौर राहुल जाधव, उपमहापौर शरद बो-हाडे यांच्यासह ग्रामस्थ महायुतीचे सर्व पदाधिकारी, कार्यकर्ते फेरीत मोठ्या संख्येने सहभागी झाले होते. नेवाळे, मोरे, यादव, बालघरे, मळेकर, पवार, जाधव, व्यापारी, उत्तर भारतीय नागरिक मोठ्या संख्येने सहभागी झाले होते. महिलांनी रांगोळ्या काढून स्वागत केले. चिखलीचे ग्रामदैवत भैरवनाथ महाराजांचे दर्शन घेऊन गाठीभेटींना सुरुवात झाली. हरघुडे वस्ती, नेवाळे वस्ती, कुदळवाडी परिसर फेरी काढली.

आमदार महेश लांडगे म्हणाले की, चिखली परिसरातील नागरिकांनी मला नेहमीच पाठबळ दिले. पहिल्या निवडणुकीपासून साथ दिली. लोकांना मी विसरू शकत नाही. या भागाचा विकास करण्यासाठी मनापासून प्रयत्न केले. रस्ते विकसित केले. टाऊन हॉल विकसित केला. या नागरिकांची तहान भागविण्यासाठी पाणी आणले आहे. या भागांतील विकासासाठी निधीची कमतरता भासू दिली जाणार नाही.